Ukunani susoqarpa...?

Ukunani susoqarpa...?

Nuna tamakkerlugu kalaallinut isumaginninnikkut atugarliortunut suliniartoqangaatsiarpoq.

Suliniarneq maannamuugallartoq illoqarfinni anginerni tallimanerni ingerlanneqarpoq: Aalborgimi, Esbjergimi, Københavnimi, Odensemi Århusimilu, taakkunani kalaallit atugarliortut amerlanerpaartaat najugaqarmata inissisimaffeqarlutilluunniit. Tamatuma saniatigut februaarimi 2005-imi kalaallinut siunnersuisarfik Vejlemi ammarneqarpoq, 2007-imilu Herningimi Viborgimilu allaffinnik ammaasoqarluni.

Imaanngilarli illoqarfinni allani kalaaleqanngitsoq immikkut suliniarfigineqarnissamik pisariaqartitsisunik.

Illoqarfiit aqqinik toqqaanikkut najukkami suliniarnerit pillugit paasissutissanik pissarsisinnaavutit.

Paasissutissat immikkuullarissut assersuutigalugu suliniarnernut ataasiakkaanut atatillugu najukkat ammasarfiillu saniatigut aamma kalaallit isumaginninnikkut atugarliortut suliniarfigineqarnerannut atatillugu najukkani unammilligassat, misilittakkat aaqqiissutillu pillugit allaaserisanik takinerusunik atuarnissamut periarfissaqarputit.

_____________________________________________________________

Aalborg

Aalborgimi kalaallinut isumaginninnikkut atugarliortunut suliniarnerit

Matumani ataani makku pillugit paasissutissanik pissarsisinnaavutit:

Brobyggerselskabet - De Udstødte, Ikaartarfilioqatigiit - Ajattukkat, Aalborg Kommune

Bo- og Gadeteamet, Najugaqarfinni Aqqusinernilu Suleqatigiit

Aalborgimi Kalaallit Illuat

Kalaallinut arnanut suliniut

Kalaallinut arnanut najugaqatigiiffik

Ornittagaq Perput

Kofoeds Skole – Sammisassaqartitsivik Neriusaaq

Aalborgimi kalaallit inuusuttut ilinniagaqartut SU-mik pisartagallit

Kalaallinut isumaginninnikkut atugarliortunut atornerluineq pillugu allatoortumik katsorsaaneq/ajoqusernernik annikillisitsiniarneq

Atugaliortunut Suleqatigiit - Udsatte Teamet Aalborg

Aalborg Kommunemi Kalaallinut immikkoortortaqarfik

____________________________________________________________

Brobyggerselskabet - De Udstødte, Ikaartarfilioqatigiit - Ajattukkat, Aalborg Kommune

Brobyggerselskabet - De Udstødte, Ikaartarfilioqatigiit - Ajattukkat Aalborg kommunemi Isumaginninnermut Peqqissutsimullu Ingerlatsivimmi immikkoortortaqarfiuvoq. Anguniagaq pingaarneq tassaavoq innuttaasunut ajattukkanut angerlarsimaffeqanngitsunullu Aalborgimi inissisimaffeqartunut inuuniarnermi atugassarititaasunik pitsanngorsaaniaqataaneq. Siunnerfik tassaavoq ”inuiaqatigiinnit nalinginnaasunit” angerlarsimaffeqanngitsunut ajattukkanullu ikaartarfiliornissaq.

Brobyggerselskabet – Ikaartarfilioqatigiit – attaveqatigiiffiup ”kalaallit qaartuujasut” pilersinneqarnerani siuttuusimapput. Attaveqatigiiffik kalaallinut ikittunnguanut naleqqussarsimanngitsorujussuarnut, neqeroorutini pioreersuni inissaqartikkuminaatsunut, aaqqiissutissanik nassaarniarluni suliaqarpoq.

Kalaallit inuusuttut tikerlaat Aalborgimi - misissuineq

Kalaallit inuusuttut tikerlaat ajattukkatut inissisimalernissamut aarlerinartorsiortut amerliartornerat Aalborgimi paasineqarsimavoq. Taamaattumik 2008-mi pineqartunik qulaajaaneq pilersinneqarpoq, taakku siullertut qanoq amerlatiginerannik paasissutissiisussamik, aappaattullu kikkuussusaannik paasiniaaqataassutaasussamik.

”Kalaallit qaartuujasut” qanoq sulissutigineqarpat?

Per Hjelmip, Brobyggerselskabet, allaaserisaa (qallunaatooq) atuaruk

Aalborgimi kalaallit isumaginninnikkut atugarliortut

Per Hjelmip, Brobyggerselskabet, allaaserisaa (qallunaatooq) atuaruk

Tusagassiorfinnut nalunaarut: Kalaallit isumaginninnikkut atugaliortut suliniutit nutaat atorlugit ikiorneqassapput (qallunaatooq)

Brobyggerselskabet - De Udstødte

Jernbanegade 23, 2.

9000 Aalborg

Tlf.: 9811 7611

E-mail: brobyggerselskabet@aalborg.dk

_____________________________________________________________

Bo- og Gadeteamet - Najugaqarfinni Aqqusinernilu Suleqatigiit

Bo- og Gadeteamet tassaavoq Aalborg kommunip ajattukkanut atatillugu suliniarnermi ingerlatseqatigiiffia. Suleqatigiit orniguttarluni suliniarnermut, najugaqarfinnik neqeroorutit amerlanerulernissaannut kiisalu ineriartortitsinermik suliniutinut – tamarmik innuttaasunut angerlarsimaffeqanngitsunut isumaginninnikkullu atugarliortunut suliniarfigineqartunut attuumassuteqartunut – ataatsimoortumik suliniaqatigiiffiupput. Bo- og Gadeteamet sulisoqarpoq Aalborgimi kalaallinut isumaginninnikkut atugarliortunut immikkut sammititamik suliaqartunik.

Bo- og Gadeteamet

Danmarksgade 24, st.

9000 Aalborg

Frida Nielsen paasissutissat amerlanerit pillugit attaveqarfigiuk

Tlf.: 2281 7905

E-mail: frin-fb@aalborg.dk

_______________________________________________________

Aalborgimi Kalaallit Illuat

Aalborgimi Kalaallit Illuat siunertaqarpoq Kalaallit Nunaata Jyllandillu avannarpasissuata akornanni kulturikkut, inuttut niuernikkullu attaveqaatit ineriartortinnissaannik.

Kalaallit Illuanni kalaallinut ilinniagaqartunut siunnersuisoqartarpqo kiisalu kalaallinut maani najugalinnut isumaginninnikkut siunnersuisoqartarluni.

Suliassaqarfigisaq tassaavoq Region Nordjylland, tassanilu Kalaallit Illuat kalaallinut Kalaallit Nunaannillu soqutiginnittunut attaveqatigiiffiullunilu katersuuttarfiuvoq.

Kalaallit Illuat suliniutinik arlalissuarnik matuma ataani eqqartorneqartunik ingerlataqarpoq.

Oqalutseqarneq

Suliniummi siunnerfigineqartoq tassaavoq angerlarsimaffinnut namminersortunut imminnullu pigisunut oqalutseqarnermik pilersitsisarnissaq kiisalu oqalutseqarnerup atorneqarneranik siammarterineq pisussaaffimmik tamatuminnga kommuni oqilisaatinngikkaluarlugu.

Oqalutseqarnerup atorneqarnerunissaanik anguniagaq tassaavoq, sullitaq tusarniaqqaarsimatinnagu oqaloqatigiinnermilluunniit paasinneqqaarsimatinnagu pingaarutilinnik aalajangiisoqartassanngitsoq.

Suliniummi angusat tigussaasut siunnerfigisaat tassaavoq ullumikkut periutsitut atugaanngitsuni kiisalu kia akiliinissaa nalornissutigineqartillugu oqalutseqarnermik atuisarnissaq.

Kalaallit meerartaannut isumaginninnikkut atugarliortunut pinnguarnissamik neqeroorutit

Suliniummi siunnerfigineqartoq tassaavoq kalaallinut ornittakkami sapaatip-akunneranut akunnerni marlussunni pinnguarfeqarnissamik neqerooruteqarnikkut kalaallit meerartaasa kulturikkut kinaassusaannik, naggueqatigiiussusaannik oqaasiinillu nukittorsaanissaq. Tulliullugit anguniarneqartut tassaapput meeqqat sammisaqartitaanerannut angajoqqaanik peqataatitsisarnissaq kiisalu kalaallit akornanni ’inissisimaqatigiiaanik’ assigiinngitsunik peqataatitsisarnissaq.

Pinnguarfeqarnermik neqeroorut inummit suliassatigut piginnaasalimmit ingerlanneqartassaaq. Anguniagarineqartoq tassaavoq ukiumut sapaatip-akunnerini 40-ni sapaatip-akunneranut akunnerni marlunni sammisassanik mernguernartunik soorlu titartaanermik, qalipaanermik, atuarnermik nerisassiornermillu pingaartitsilluni neqerooruteqartarnissaq. Meeqqat 3-12-inik ukioqarnissaat naatsorsuutigineqarpoq.

Attaveqarfik: Robert Kreutzmann, rk@dgh-aalborg.dk

Aalborgimi Kalaallit Illuat

Umanakvej 25

9210 Aalborg SØ

Tf.: 9814 6800

Ammasarfiit:

Ataa-mar-sisa: nal. 09.00-17.00

Ping: kl. 09.00-19.00

Tall: kl. 09.00-15.00

Arf/sap- nalliuttullu: matoqqasarpoq

sumaginninnikkut siunnersuineq ilitsersuinerlu pillugit Kalaallit Illuata quppersagaaraa kalaallisut qallunaatullu.

________________________________________________________________

Kalaallinut arnanut suliniut

Kalaallit Illuata ataani Aalborg kommune suleqatigalugu piginnaanngorsaaqqiinermik/sulilersitsiniaanermik suliniut.

Siunnerfigineqartut tassaapput kalaallit arnat, inuussutissarsiornermi paasisaqarnerunissamik inerissimanerulernissamilluunniit siunertaqarluni ingerlatsinissamik pisariaqartitsisut, piginnaanngorsaaqqiinermillu neqeroorutini allani pisariaqartitaminnik matussusiisinnaanngitsut. Arnat nalinginnaasumik qallunaatut oqaatsinik nalorsartuusarput suliffeqarnermullu annikitsuinnarmik attuumassuteqartuusarlutik. Tamatuma saniatigut arnat ilaat aappaqarnerminni imigassamik ikiaroornartumillu atornerluiffiusumi nakuusernermik atugaqartarput. Suliniut aqqaneq-marlunnut inissaateqarpoq.

Kalaallinut arnanut suliniut

Umanakvej 1, kl.

9210 Aalborg SØ

Postadr.:

Det Grønlandske Hus

Umanakvej 25

9210 Aalborg SØ

_______________________________________________________________

Kalaallinut arnanut najugaqatigiiffik

Aalborgimi avatangiisini atornerluiffiusuni kalaallinut arnanut angerlarsimaffeqanngitsunut imaluunniit kisimiillutik najugaqarnissamut toqqissisimanngitsunut najugaqatigiiffik Kalaallit Illuata ataaniittoq. Ataatsimoornissamik toqqissisimanartumillu najugaqarnissamik neqeroorutip saniatigut arnat ikorfartorneqarlutillu ilitsersorneqarsinnaapput, assersuutigalugu oqaloqatigiinnerit, sammisassaqartitsinerit, isumaginnittoqarfimmi peqqinnissaqarfimmilu assigisaannilu oqaloqatiginnikkiartornernut ingiallorteqarnerit, aqqutigalugit.

Najugaqatigiiffik ataatsimik initalinnik tallimanik inissiaateqarpoq kiisalu ataatsimoorussamik iggaviuteqarluni isersimaartarfiuteqarlunilu.

Kalaallinut arnanut najugaqatigiiffik

Grønlands Torv 23

9210 Aalborg SØ

Postadr.:

Det Grønlandske Hus

Umanakvej 25

9210 Aalborg SØ

______________________________________________________________

Ornittagaq Perput

Kalaallinut isumaginninnikkut ajattukkanut/isumaginninnikkut atugarliortunut kalaallinik allanik peqateqarnissamik pisariaqartitsisunut neqeroorut Kalaallit Illuata ataaniittoq.

Perput assigiinngitsunik taaguuteqarluni ukiuni qulini atuussimavoq, ullumikkullu imigassartorfiunngitsumik ikiaroornartutorfiunngitsumillu naapeqatigiittarfiulluni, tassanilu nammineq kajumissuseq tunngavigalugu nallukattaanneq, nerisassiorneq assassornerlu soorlu amernik mersorneq pinnersaasiornerlu qitiutillugit naapisimaaqatigiittoqartarluni.

Tamatuma saniatigut siunnersuineq ilitsersuinerlu neqeroorutigineqartarput.

Ornittagaq Perput

Vejgaard Torv 1, 1.sal

9000 Aalborg

Tlf.: 9812 1689

E-mail: rk@dgh-aalborg.dk

Ammasarfiit:

Ataa-mar-sisa-tall nal. 10.30-16.00

Ping: nal. 10.30-15.30

Tamatuma saniatigut pingasunngornermi nal. 16.00-21.00 najukkami Umanakvej 1, kælderimi.

Perput pillugu quppersagaaraq atuaruk

____________________________________________________________

Kofoeds Skole - Sammisassaqartitsivik Neriusaaq

Neriusaaq Kofoeds Skolep kalaallinut sammisassaqartitsiniutaanut ilaavoq. Suliniut pilersinneqarsimavoq Aalborg kommune aamma Aalborgimi Kalaallit Illuat suleqatigalugit.

Sannavimmi suliaqarneq atuarfiup sammisassaqartitsiniutaani qitiuvoq. Qisuleriffimmik sikkilileriffimmillu sannaveqarpoq, mersortarfeqarluni kiisalu ”iggavimmi sannaveqarluni”. Tamakku saniatigut Neriusaaq sammisassanik arlalissuarnik neqerooruteqartarpoq, soorlu atuartitsinermik angalaarnernillu.

Taamatuttaaq isumaginninnermi siunnersortimik attuumassuteqartitsisoqarpoq, taannalu ilaatigut atuartunik oqaloqateqartarpoq pisortanullu attaveqarneranni ikiuuttarluni.

Neriusaami suliaqarnermi unammilligassat annertunerusumik atuarsinnaavatit allaaserisami Erfaringer fra grønlænderarbejdet på Kofoeds Skole i Ålborg, Neriusaaq-mi (qallunaatut)

Aalborgimi kalaallinut isumaginninnikkut atugarliortunut peqqissutsimik siuarsaaneq

2006-imiit Aalborgimi Kofoeds Skole sammisassanik assigiinngitsunik pilersitsisimavoq kalaallit atugarliortut peqqissusaannik pitsanngorsaanissamik siunertaqartumik.

Sammisassat pillugit annertunerusumik atuarit uani.

Suliniut: Isumassuinermik, kaammattuinermik attaveqatigiinnermillu suliaqarneq

Suliniut siunertaqarpoq Aalborgimi kalaallinut isumaginninnikkut atugarliortunut imminnut immikkoortissimasunut 15-20-nut kalaallinullu sakkortuumik isumaginninnikkut atugarliortunut (’qaartoortartunut’) tatiginartumik patajaatsumillu attaveqarnermik pilersitsinissamik.

Suliniut aqqutigalugu ataatsimoortukkuutaat Kofoeds Skolemut aamma/imaluunniit suliniutinut attuumassutilinnut allanut attaveqalersinneqassapput, kalaallit atugarliortut qaartoortartullu attaveqaatinik pilersitsisinnaaqqullugit immikkoortissimanermillu qaangiisinnaaqqullugit. Tamatuma saniatigut inuit pineqartut, pisariaqartillugu, katorsarneqartussatut allatsittassapput. Angusarineqartoq aamma tassaasussaavoq, angerlarsimaffeqanngitsut tamarmik inissiamik neqeroorfigineqarsinnaalernissaat, kalaallit akornanni kajumissutsip qaffasinnerusup anguneqarnissaaq, kiisalu katsorsarneqarnissamut periarfissanik pitsaanerusunik pilersitsisoqarnissaa.

Sullitanut atatillugu suliffeqarfinnik allanik suleqateqarnermik pilersitsinissaq suliniuteqarfigineqartunilu arlaqarnerit neqeroorutini pioreersuni inissaqartitaalernissaannik qulakkeerinissaq siunertaavoq. Taamatuttaaq anguniagaavoq kalaallit imminnut immikkoortissimasut ’qaartoortartullu’ amerlassusaannik ilisimasanik pilersitsinissaq.

Anguniakkat piviusunngortinneqassapput ikorfartortimik attaveqarfiusumik piffissaq tamaat suliaqartussamik atorfinitsitsinikkut kiisalu suliniuteqarfigineqartunik ataavartumik nalunaarsuinikkut. Suliniuteqarfigineqartunut attaveqarneq pilersinneqassaaq ataavartumik sunniivigeqatigiinnikkut.

Aalborgimi kalaallinut isumaginninnikkut atugarliortunut isumassuinermik, kaammattuinermik attaveqatigiinnermillu pilersitsinermik suliniummit isumalluutit 30.04.09-mi Kofoeds Skolemi atorunnaarput. Taamaattorli isumalluutit maanna atorneqarsinnaasut naapertorlugit suliniarneq annikillisamik ingerlaqqippoq.

Attaveqarfik: Kurt Hansen, kurth@kofoedsskole.dk          

Neriusaaq

Ågade 23, Baghuset

9000 Aalborg

Tlf.: 9812 3671

E-mail: kurth@kofoedsskole.dk

__________________________________________________________

Aalborgimi kalaallit inuusuttut ilinniagaqartut SU-mik pisartagallit

Kalaallit Illuat aamma coachit sisamat Aalborgimi Teknisk Skolemeersut ulloq 12.9.07 ilinniagaqartunut inuusuttunut SU-mik pisartagalinnut unnukkut paasisitsiniaapput Kalaallit Illuanni kalaallinit ilinniagaqartunut siunnersuisartunit malittarineqanngitsunut ilaatigut ilinniagaqartunut allanut attaveqaammik ilisarititsinissaq siunertaralugu.

Neqeroorut pilersinneqarpoq kalaalerpassuit inuusuttut Aalborgimi ilinniagaqartut ilinniakkaminnillu aalajangiusimanninniarnermik ajornartorsiuteqartut piffissami sivisujaami immikkut isiginiarneqareersullu.

Suliniut tamanna pillugu paasissutissat sukumiinerit pissarsiarineqarsinnaapput Kalaallit Illuanni Vibeke Sieborgimut saaffiginninnikkut.

Aalborgimi Kalaallit Illuat

Umanakvej 25

9210 Aalborg SØ

Tlf. 9814 6800

_____________________________________________________________

Kalaallinut isumaginninnikkut atugarliortunut atornerluineq pillugu allatoortumik katsorsaaneq/ajoqusernernik annikillisitsiniarneq

Kofoeds Skole aamma Aalborg Kommunemi atornerluisunut qitiusoqarfik kalaallinut isumaginninnikkut atugarliortunut atornerluineq pillugu allatoortumik katsorsaanissamik/ajoqusernernik annikillisitsiniaanissamik neqeroorummik ineriartortitsileruttorput.

Kalaallit isumaginninnikkut atugarliortut imigassamik ikiaroornartumillu atornerluinermik pitsaanerusumik aqutsisinnaalernissamik imaluunniit unitsitsilluinnarnissamik kissaataanni tapersersorniarlugit naliliisoqarpoq suliniarfigineqartuni inuit ataasiakkaarlugit isiginiarneqarnissaat aallaavigineqarnissaallu aalajangiisuusoq. Suliniummi anguniagarineqarpoq aamma eqimattanik ataavartumik ilannguffigineqartartunik, allanit ikorfartorneqarnermikkut inuttut immikkut atornerluinerminnik sulissutiginnissinnaasunik, pilersitsiartuaarnissaq.

Aallarnisaataasumik ataatsimiititsinerit sisamat katillugit 30-nit peqataaffigineqartut ingerlanneqarsimapput. Ataatsimiititsinerni siunertarineqartut ilaatigut tassaasimapput:

- suliniuteqarfigineqartut aanngajaarniutinik inuttut nammineq atuinerannik isiginnitsilernissaat

- eqimattani ataasiakkaanut suliamik aallartitsinissaq

- ajoqusernernik annikillisitsinissamik isuma aallaavigalugu sulinissaq ilaannullu siunissami ungasinnerusumi atornerluineq pillugu katsorsartilernissaq.

Suliniut pillugu annertunerusumik atuarit uani.

Suliniut kiisalu sammisassaqartitsinerit neqeroorutillu attuumassuteqartut annertunerusumik tusarniarumallugit Kofoeds Skole attaveqarfigineqassaaq:

Neriusaaq

Ågade 23, Baghuset

9000 Aalborg

Tlf.: 9812 3671

E-mail: kurth@kofoedsskole.dk

___________________________________________________________

Atugarliortunut Suleqatigiit Aalborg

Atugarliortunut Suleqatigiit - Udsatte Teamet – orniguttarlutik katsorsaasartoqatigiiupput pingaartumik kalaallinut Aalborg Kommunemi atornerluisunut 18-it sinnerlugit ukiulinnut, atornerluinermik ajornartorsiutiminnik sukumiisumik siunnerfeqartumillu sulissutiginnilernissamut kajumissutsimik ersersitsisunut, saaffiginnittut. Suleqatigiit katsorsaanermik suliniarnermik tamakkiisumik sammiveqartumik neqerooruteqartarput.

Aalborgimi Atugarliortunut Suleqatigiit pillugit annertunerusumik atuarsinnaavutit uani.

Atugarliortunut Suleqatigiit aamma quppersagaaraliorsimapput atuisunut sammitinneqartumik – qallunaatut kalaallisullu – taanna atuarsinnaavat uani.

Paasissutissat annertunerusut pillugit attaveqarfigiuk:

Atugarliortunut Suleqatigiit

Atornerluinermut immikkoortortaq

Kastetvej 24

9000 Aalborg

Tlf.: 2520 0756

___________________________________________________________

Aalborg kommunemi kalaallinut immikkoortortaqarfik.

Ulloq 1. marts 2009 Aalborg Kommunemi Kalaallinut immikkoortortaqarfik ammerpoq. Illoqarfimmi politikerit aalajangersimapput, kalaallinut aningaasanngorlugu ikiorsiissutinik pisartagalinnut suliffissaaleqinerup saniatigut allanik ajornartorsiutilinnut suliniarneq immikkoortortami immikkuullarissumi ataatsimoortinneqassasoq. Tamatumunnga tunuliaqutaasoq tassaavoq suliniuteqarfigineqartut siunnersuisartunik kalaallit immikkut kultureqarnikkut tunuliaqutaannik suliffeqarnermilu kinaassusaannik immikkut ilisimasalinnik paasisimasalinnik pisariaqartitsinerat.

Kommunemi kalaaleqarpoq 160-it missaanniittunik suliffissaaleqinerup saniatigut allanik ajornartorsiutilinnik, taakkulu ilarpassui isumaginninnikkut, timikkut eqqarsartaatsikkullu annertuunik ajornartorsiuteqarput.

Kalaallinut immikkoortortaqarfimmi sulisuupput suliffissarsiuussisarfimmi qitiusoqarfimmi sulisut pingasut kiisalu isumaginninnikkut qitiusoqarfimmi sulisut marluk, immikkoortortaqarfillu aaqqissuussaanikkut Integrationscenterimi (akuliutsitsiniarnermi qitiusoqarfimmi) inissisimaffeqarpoq.

Integrationscentret ukiorpassuit ingerlaneranni inunnik kulturinit allanit aggersunik inunnillu, amerlanerpaartaat eqqarsaatigalugit, suliffeqarnermi Danmarkimilu inuiaqatigiinni akuliutsikkiartuaarneqarnissamut ikiorneqarnissamik pisariaqartitsisunik, sullissinermik misilittagaqarpoq. Taamaattumik Kalaallinut Immikkoortortaqarfik tassunga inissinneqarpoq. Integrationscentret Kalaallit Nunaat pillugu kiisalu kalaallit suliniuteqarfigineqartut Kalaallinut Immikkoortortaqarfimmiittut pillugit ilisimasanik katersilluni aallartilluareerpoq.

Paasissutissat sukumiinerit pillugit attaveqarfigiuk:  

Jette Mathiesen

Teamleder og stedfortræder

Jobcenter Aalborg Integration

Kastetvej 26

9000 Aalborg

Tlf.: 9931 5869

Esbjerg

Esbjergimi kalaallinut isumaginninnikkut atugarliortunut suliniarnerit

Matuma ataani makku pillugit paasissutissanik pissarsisinnaavutit:

Ornittagaq sammisassaqartitsivillu Oqqumut, Esbjerg Kommune

Kalaallinut Siunnersuisarfik

______________________________________________________________

Ornittagaq sammisassaqartitsivillu Oqqumut, Esbjerg Kommune

Oqqumut kalaallinut Esbjerg kommunemi najugaqartunut isumaginninnikkut peqqissutsikkullu ajornartorsiutilinnut ornittagaallunilu sammisassaqartitsiviuvoq. Ornittagaq Esbjerg Kommunemit pilersinneqarsimavoq Københavnimi Kofoeds Skole aamma Odensemi Kalaallit Illuat suleqatigalugit.

Oqqumut sammisassat assigiinngitsut kalaallit kulturiannik eqqarsariaasiannillu aallaaveqartut, soorlu qaanniornerit imilertakkanillu qalipaanerit, qitiutillugit ataatsimuualaarnermik neqerooruteqartarpoq. Taamaaliornikkut ataasiakkaat kalaallisut kinaassusaat nukittorsarneqartarpoq. Oqqumut aamma atornerluisunik ikiuisinnaavoq eqimattanik katsorsaaneq aqqutigalugu.

Attaveqarfik: Britta Gjelstrup, brig@esbjergkommune.dk

Oqqumut

Marievej 5

6700 Esbjerg

Tlf.  76160430

E-mail: brig@esbjergkommune.dk

_________________________________________________________________

Kalaallinut Siunnersuisarfik

Siunnersuisarfik kalaallinut maani najugaqartunut siunnersuisarpoq. Ingerlatsivinnut, oqartussanut il.il. attaveqarnissamut ilitsersuisarneq neqeroorutigineqarpoq.

Siunnersuinerup saniatigut Esbjergimi allaffimmi imminut ikiorsinnaalernissaq anguniarlugu ikorfartoqatigeeqarpoq kiisalu sisamanngornermi ualikkut social caféqartarluni.

Attaveqarfimmik marluinnik oqaasilimmik sulisoqarpoq.

Suliniuteqarfigineqartut tassaapput kalaallit Esbjergimi eqqaanilu najugaqartut isumaginninnikkut ajornartorsiutinut atatillugu immikkut ikorfartorneqarnissamik pisariaqartitsisut.

Siunnersuisarfik Odensemi Kalaallit Illuata ataaniippoq.

Kalaallinut Siunnersuisarfik

Nørrebrogade 94

6700 Esbjerg

Tlf.: 7515 1020

E-mail: dgr@esenet.dk

Herning

Århusimi Kalaallit Illuat Region Midtjylland tamakkerlugu suliaqartuuvoq, kalaallinullu Århusimit ungasissumi najugaqartunut isumaginninnikkut ikiorsiinissamik neqerooruteqarsinnaajumalluni 1. januar 2007-imi Herningimi najukkami allaffik pilersinneqarpoq.

Isumaginninnermi siunnersorti Connie Ibsen Jensen inuttut ornigulluni sisamanngornikkut 12.00-16.00 saaffigineqarsinnaavoq, imaluunniit telefon 2943 8478 aqqutigalugu attaveqarfigineqarsinnaalluni.

Kalaallit Illuat, Herningimi najukkami allaffik

Herning Frivilligcenter

Fredensgade 14

7400 Herning

København

Københavnimi kalaallinut isumaginninnikkut atugarliortunut suliniarnerit

Matuma ataani makku pillugit paasissutissanik pissarsisinnaavutit:

Kalaallit Nunaanni kommunit Københavnillu akornanni ilisimasanik paarlaasseqatigiittarneq

Kalaallinut Christianshavnimi najugaqartunut atatillugu orniguttarluni suliniarnermi kommunillu akimorlugit suleqatigiinnermi periutsinik ineriartortitsineq

Illu qaffakkiartorfik – misiliummik suliniut

Suliniut Qaffakkiartornermi ikorfartorteqarneq

Atugarliortunut suleqatigiiit Christiania

Peqqissutsimut Suleqatigiit, Københavns Kommune

Københavnimi Kalaallit Illuutaat

Qiperoq, kalaallinut sammisassaqartitsiniarnermi attaveqarnermilu ornittagaq

Kalaallinut Eqqartuussiveqarnikkut Ikiuisarfik

Kofoeds Skole, Kalaallinut immikkoortortaqarfik

Quassi – isumaginninnikkut sulilersitsiniaasarfik

Ornittagaq Naapiffik

Najugaqatigiiffik Miteq

Naajartortitsivik

Suliniut Kalaallit Københavnimiittut

Ulluunerani atornerluisutut katsorsartinneq Frederiksberg Centret

Angakok, Christiania

_______________________________________________________________

Isumaginninnermut Ingerlatsivik, Københavns Kommune

Kalaallit Nunaanni kommunit Københavnillu akornanni ilisimasanik paarlaasseqatigiittarneq

Suliniummi siunertarineqartoq tassaavoq Københavns Kommunep aamma Kalaallit Nunaanni kommunit akornanni isumaginninnikkut pissutsit pillugit attaveqaatinik illua’tungeriillunilu ilisimasanik ineriartortitsinissaq.

Suliniut Kalaallit Nunaanni kommuninit assigiinngitsunit oqalugiartoqarluni atuartitsinermik neqeroorutaavoq. Suliniut Københavnimi najukkani qitiusoqarfinni sullissisunut, ineqarneq pillugu isumaginninnikkut siunnersuisartunut angerlarsimaffeqanngitsunullu najugaqarfissanik neqerooruteqartarfimmi sulisunut sammitinneqarpoq.

Ilisimasanik illua’tungeriiulluni paarlaasseqatigiittarnermi siunertarineqartoq tassaavoq, kalaallit sullissisut Københavnimi najukkani qitiusoqarfinnut attaveqarnermikkut Københavnimi kalaallinut angerlarsimaffeqanngitsunut isumaginninnikkullu ajattukkanut atugassarititaasunik, atukkanik tunngavissanillu ilisimasaqarnerulernissaat. Tamatuma peqatigisaanik siunertarineqarpoq qallunaat sulisut Kalaallit Nunaanni isumaginninnikkut pissutsit, ajornartorsiutit ilisarnaateqarluartut isumaginninnikkullu avinngarussimaneq pillugit ilisimasanik pigisaqalernissaat. Taamatuttaaq kalaallit avinngarussimasut kommuninit sorlernit aggersuunerannik paasissutissanik katersisoqassaaq. Kiisalu Aalborg Kommune misilittakkanik paarlaasseqatigineqassaaq.

Kalaallinut Christianshavnimi najugaqartunut atatillugu orniguttarluni suliniarnermi kommunillu akimorlugit suleqatigiinnermi periutsinik ineriartortitsineq

Suliniummi kalaallinut atugaliortunut Christianshavnimiittunut orniguttarluni suliniarnerup nukittorsarnissaa siunertarineqarpoq. Tamatumani kalaallit aalajangersimasumik najugaqarfeqanngitsut imaluunniit annikitsuinnarmik nuttarsinnaassusillit pineqarput. Pineqartut piffissami sivikitsumik sivisujaamiluunniit isumaginninnikkut nakkaattoortarnermik nalinginnaasumik eqqugaasarput. Arlallit angerlarsimaffeqanngitsutut inuusimapput, inuunerallu atornerluinermik kiisalu peqqissutsikkut isumaginninnikkullu annertuumik ajornartorsiuteqarnermik malunnaateqarluni. Taamatuttaaq suliniuteqarfigineqartut amerlanertigut inuttut nammineq aningaasaqarnikkut, peqqissutsikkut siunnersorneqarnikkullu ikiorserneqarnissamik ingerlatsivimmut saaffiginninnissamut tunuarsimaartuunermik ilisarnaateqarput.

Suliniummi siunniunneqarsimavoq periutsinik, atuisut isumaginnittoqarfiullu akornanni aporfissanik nungusaanissamut iluaqutaasinnnaasunik, ineriartortitsinissaq, inuit ataasiakkaat attuumassutilimmik ikorfartorneqalersinnaaqqullugit taamalu inuunermik pitsaanerusumik angusaqarsinnaalersillugit. Suliniummi taamaalilluni Christianshavnimi atuisunut toqqaannartumik attaveqarneq pilersinniarneqartussaagaluarpoq. Atuisut akuutinneqarnissaannik paasissutissanillu ingerlatitseqqinnissamut akuersaarnissaannik inatsisitigut piumasaqaatit suliniarnermut tamatumunnga tunngaviusumik ilaasimavoq.

Suliniut 2008-mi nalunaarusiamik, maani atuarsinnaasannik, naggaserneqarpoq.

Nalunaarusiami ilaatigut takutinneqarpoq, ikorfartorneqarnerup ingerlanera attatiinnarneqassappat atuisunut assersuutigalugu sms-ikkut nalunaarutit aqqutigalugit qanimut attaveqarneq pisariaqartuusoq, kiisalu Danmarkimi Kalaallit Nunaannilu pisortani aaqqissuussaanerup annertuumik assigiinngissuteqarnera suliniuteqarfigineqartunut annertuumik unammilligassaasoq.

Suliniummut atatillugu quppersagaaraq 'Quppersagaq – Kalaallit isumaginninnikkut atugarliortut' saqqummersinneqarpoq. Quppersagaaqqami kalaallit Københavnimiittut siunnerfigineqarput. Taanna atuarsinnaavat maani.

Paasissutissat annertunerusut pillugit attaveqarfigiuk:

Anne Marie Blom

Socialcenter City

Nørrevoldgade 15

1358 København K

Tlf.: 2623 2236

LS92@sof.kk.dk

Illu qaffakkiartorfik – misiliummik suliniut

Suliniummi siunertarineqarpoq suliniuteqarfigineqartut kalaallit angerlarsimaffeqanngitsut 20-50-it nammineq ineqalernissaannut isumaginninnikkut, kulturikkut inuttullu pissutsinik aporfigisaannik qulaajaanissaq. Angerlarsimaffeqanngitsuunerup saniatigut inuit suliniuteqarfigineqartut imigassamik ikiaroornartumillu atornerluisuusarput.

Qulajaanerup kinguneranik aaqqiissutissanut tigussaasunut, eqimattat pineqartut initaarnissamut ineqarnerullu attatiinnarnissaanut periarfissaannik nukittorsaataasussanik siunnersuusiortoqassaaq. Atuisunik, kommunimi sulisunik soqutigisaqartunillu allanik apersuinikkut paasissutissanik katersisoqassaaq. Tamatuma saniatigut Danmarkimi nunanilu allani illoqarfinni pissutsinit assingusunit paasisimasat misilittakkallu ilanngunneqassapput.

Paasissutissat katersorneqartut tunngavigalugit iliuuseqarnissamut periarfissat salliutinneqartut aamma/imaluunniit allatut periarfissaasut pillugit katalogiliortoqassaaq aningaasaqarnikkut allaffissornikkullu nassataasussat ilanngullugit tulleriiaarneqartunik. Suliniummut aamma ilaavoq ilisimasanik katersineq, kingusinnerusukkut periusissanik ineriartortitsinermik kinguneqartussaq.

Suliniut suli ineriartortinneqarfimmiillunilu isumassarsiamiippoq, paasisaqarnerorusukkuilli attaveqarfigisinnaavat:

Gitte Pilgaard Larsen

Aktivitetscentret

Sundholmsvej 36

2300 København S

Tlf: 40849375

Email: B975@sof.kk.dk

Suliniut qaffakkiartornermi ikorfartorteqarneq

Københavns Kommunemi 2007-imi qaffakkiartornermi ikorfartortimik kalaallinut angerlarsimaffeqanngitsunut suliniarnerup ilaanik isumaginnittussamik atorfinitsitsisoqarpoq. Qaffakkiartornermi ikorfartorti aqqusinermi orniguttarluni suliaqartuuvoq suliniarnerlu kalaallinut angerlarsimaffeqanngitsunut eqimattanut ulluinnarni inuttut ikorfartuisuunermik imaqarpoq. Qaffakkiartornermi ikorfartortip suliaa tassaavoq pingaartumik kalaallinut angerlarsimaffeqanngitsunut neqeroorutinik pioreersunik atuinissami tapersersortaaneq kiisalu pineqartut pisortanut attaveqarniarneranni tapersersortaaneq. Tamanna isumaqarpoq qaffakkiartornermi ikorfartorti socialcenterimut, Suliassaqartitsiniarnermi Akulerutsitaanissamullu ingerlatsivimmut isumaginninnikkullu neqeroorutinut allanut soorlu atornerluineq pillugu katsorsartinnissamut, najugaqarfeqarnissamik neqeroorutinut suliassaqartitsiniutitullu neqeroorutinut, attaveqarnissamut aqqutissiuussisassasoq. Ikorfartuisoqartassaaq kalaallit angerlarsimaffeqanngitsut assersuutigalugu ineqarneq atornerluinerlu eqqarsaatigalugit pitsaasumik ineriartornerat imaluunniit nakkaqqikkallarsimanerat apeqqutaatinnagit.

Qaffakkiartornermi ikorfartortip kalaallit angerlarsimaffeqanngitsut atugarliornerpaat katillugit qulit akisussaaffigai taamaattumik Københavns Kommuemi aqqusinermi orniguttarluni suliniartut sinnerinut sanilliulluni atuisunik ikinnerusunik isumagisassaqarluni. Tamatumani siunertarineqartoq tassaavoq atuisup aamma qaffakkiartornermi ikorfartortip akornanni qanimut attaveqatigiinnissamik qulakkeerinissaq.

Københavns Kommunemi Isumaginninnermut Ingerlatsivik suliniummut Qaffakkiartornermi Ikorfartorteqarnermut Socialministeriemit aningaasatigut tapiiffigineqarpoq. Suliniut 2008-ip qeqqa tikillugu ingerlanneqassaaq.

Suliniut nalunaarusiamik naggaserneqarpoq taannalu atuarsinnaavat maani.

Paasissutissat annertunerusut pillugit attaveqarfigiuk:

Gitte Pilgaard Larsen

Aktivitetscentret

Sundholmsvej 36

2300 København S

Tlf: 40849375

Email: B975@sof.kk.dk

Atugarliortunut suleqatigiit Christiania

Atugarliortunut suleqatigiit Christiania siunertaqarpoq isumaginninnikkut atugarliortunut Christianiami najugaqartunut inissisimasunulluunniit assigiinngitsunik pissuteqarlutik pisinnaatitaaffigisaminnik namminneerlutik ikiorneqarnissamik ikorfartorneqarnissamillu ujartuisanngitsunut orniguttarnissamik.

Suliniut tassaavoq orniguttarluni suliniarnerup Københavns Kommunemit 2001-imiit Christianiami tassungalu atatillugu pilersinneqarsimasup ineriartorteqqinneqarnera. Taamaattumik Socialcenter City’s Voksenteamimit suliniummut suleqataasut suliniuteqarfigineqartunit, taakkunannga suliniuteqarfigineqartut affaat kalaaliullutik, ilisimaarineqarlutillu pingaartitarineqarput.

Suliniummut aamma ilaapput sulisut marluk ilaqutariinnut meerartalinnut suleqatigiinneersut, meeqqanik/inuusuttuaqqanik isumaginninnermi imaluunniit meeqqanut/inuusuttuaqqanut angerlarsimaffiup avataanut inissinneqarsimasunut pitsaasumik attaveqarnermi angajoqqaanik ikorfartuisut.

Suliniut nuna tamakkerlugu iliuusissatut pilersaarutip ’Det fælles ansvar II’-p ataani aningaasalersorneqarpoq ingerlanneqassallunilu 2011-ip ukiaanerata tungaanut. Periutsinik ineriartortitsisumik/nalilersuisartumik atorfinitsitsisoqarsimavoq periutsinik misilittakkanillu uppernarsaatissiillunilu ingerlatitseqqiisussamik, suliniarneq kingusinnerusukkut qitiusoqarfimmi nalinginnaasumik suleriaatsini ingerlateqqinneqarsinnaaqqullugu.

Attaveqarfik:

Atugarliortunut suleqatigiit Christiania allaffigineqarsinnaapput team_christiania@sof.kk.dk aqqutigalugu.

Taamatuttaaq inuttut attaveqarfissat pillugit suliniummi quppersagaaraliaq takuuk maani.

Det fælles ansvar II pillugu atuarit maani aamma København Kommunes FAII-mi suliniutai pillugit maani.

––––––––––––––––––––––––––––––––––––––––––––––––––––––––––––––––

Peqqissutsimut Suleqatigiit, Københavns Kommune

Københavns Kommune 2005-imi aalajangerpoq aqqusinermi suliniarneq annertusarneqassasoq suleqatigiit peqqissaasunik sisamanik nakorsamillu ataatsimik inuttaqartut, sulisut orniguttartut najukkani isumaginninnikkut qitiusoqarfinni atorfeqartut qanimut suleqatigalugit atuuttussat, aqqutigalugit.

Peqqissutsimut Suleqatigiit suliniarneranni siunnerfigineqartut pingaartumik tassaapput angerlarsimaffeqanngitsut inuiaqatigiinnit annertuumik immikkoortissimasut, isumaginninnikkut peqqissutsimullu aaqqissuussaanermik atuisinnaassuseqanngitsut taamaattumik neqeroorutinik aaqqissuussaanernit taakkunannga innuttaasunut tunniunneqartartunik tigusaqarsinnaanngitsut.

Peqqissutsimut Suleqatigiit pillugit annertunerusumik atuarit

Attaveqarfik: Henrik Thiesen, Immikkoortortaqarfimmi nakorsaq kiisalu Peqqissutsimut Suleqatigiinni ulluinnarni aqutsisoq

SundhedsTeam

Aktivitetscentret Sundholm

Sundholmsvej 18

2300 København S

Tlf.: 2576 8911

_____________________________________________________________

Københavnimi Kalaallit Illuutaat

Kalaallit Illuutaata siunertaa tassaavoq kalaallinut allanullu Kalaallit Nunaannik soqutigisalinnut attaveqaataallunilu katersuuttarfiunissaq, kalaallit qallunaallu akornanni kulturikkut naapinnermik qulakkeerinissaq ilaatigut kalaallit kulturikkut inuiaqatigiinnilu atugarisaannik paasisitsiniaanikkut kiisalu kalaallinut Storebæltip kangiani najugaqartunut atatillugu isumaginninnikkut, inatsisilerinikkut ilinniartitaanikkullu pissutsini siunnersuisarnissaq ilitsersuisarnissarlu.

Suliffeqarfinnut namminersortunut imminnullu pigisunut oqalutseqartitsisarneq

Suliniummi suliffeqarfiit imminnut pigisut aqqusinermilu orniguttarlutik sulisut attaveqatigiiffii oqalutseqarnissamut periarfissaqanngitsut oqalutseqarsinnaanerat aqqutissiuunneqartarpoq. Taamatuttaaq suliniut oqalutseqarnissamut periarfissat ilisimaarineqarnerulernissaannut kiisalu oqalutseqarnissamik inniminniisarnerup isumassarsiatsialaaneranik isiginnittaatsip siammarterneqarnissaanut iluaqutaasussaavoq.

Attaveqarfik: Inger Bruun, ib@sumut.dk

Mozarts Pladsimi nereqatigiittartut klubbiat

Mozarts Plads Københavns sydhavnianiittoq tassaavoq sumiiffiit Kalaallit Illuutaata orniguttarluni suliniuteqarfigisaasa ilaat. 2006-imi Mozarts Pladsimi atuisut Kalaallit Illuutaanni orniguttarluni sulisoq suleqatigalugu nereqatigiittartut klubbiat "Kalaaliaraq" pilersippaat. Kalaaliaraq atuisunit pitsaasumik misigineqarpoq akileeqataasarnerlu aqqutigalugu ilaannakuusumit atuisunit aqutarineqarluni. Nereqatigiittartut klubbiat akisussaaqataanermik tunisisarpoq kiisalu atuisut sulisullu akornanni ataqatigiinnermut nukittorsaataalluni.

Nereqatigiittartut klubbiat sammisassaqartitsiniutillu allat pillugit annertunerusumik atuarit maani.

Attaveqarfik: Agga Petersen, ap@sumut.dk

Kalaallit Illuutaat

Løvstræde 6

Postboks 1042

1007 København K

Tlf. 33 91 12 12

Fax 33 15 75 90

E-mail illu@sumut.dk

­______________________________________________________________

Qiperoq, kalaallinut sammisassaqartitsiniarnermi attaveqarnermilu ornittagaq

Qiperoq ilaatigut aqqusernit imerniartarfiillu qimallugit attaveqarfinnik ineriartortitsinermik, ilaatigullu ataasiakkaat inuussutissarsiornikkut siunissaannik pilersaarusiornermik, suliaqartuuvoq. Illu ulluinnarni sammisassaqartitsiviusarpoq kalaallit kusanartuliaannik, kalaallit sanalugaannik illulu qimallugu sammisassanik suliaqartitsinermik. Tamatuma saniatigut inissarsiorneq, atornerluineq pillugu katsorsartinnissamut attaveqarneq il.il. pillugit ikiorsertittoqarsinnaavoq.

Qiperoq

Skelbækgade 24 A

1717 Kbh. V

Tlf. 33 25 00 57

Fax 33 25 00 93

E-mail: qiperoq@sumut.dk

_____________________________________________________________

Kalaallinut Eqqartuussiveqarnikkut Ikiuisarfik

Kalaallinut Eqqartuussiveqarnikkut Ikiuisarfik suliffeqarfiuvoq namminersortoq, 1994-imiilli inunnut Kalaallit Nunaannut attuumassutilinnut inatsisitigut siunnersuisarnermik akeqanngitsumik suliaqartalersimasoq. Eqqartuussiveqarnikkut Ikiuisarfik inuttut soqutigisanut pisortanilu oqartussanut attuumassuteqanngilaq.

Eqqartuussiveqarnikkut Ikiuisarfik (kinaassutsimik isertuussilluni) siunnersuinissamik suliamillu annikitsumik ingerlatsinissamik akeqanngitsumik neqerooruteqartarpoq. Suliamut atatillugu tamanna piumasarineqarpat suliap aningaasartuutaanngitsumik ingerlateqqinnissaanik eqqartuussiveqarnikkut ikiuisarfik akuttunngitsumik neqerooruteqarsinnaasarpoq.

Kalaallinut Eqqartuussiveqarnikkut Ikiuisarfik

Løvstræde 6

Postboks 1042

1007 København K

Tlf.: 3338 1599/3315 7590

_______________________________________________________________

Kofoeds Skole, Kalaallinut Immikkoortortaqarfik

Kofoeds Skole suliffeqarfiuvoq imminut pigisoq, inunnut suliffeqanngitsunut suliffissaaleqinerup saniatigut allanik ajornartorsiutilinnut – ilaatigut kalaallinut - ikiuuttartoq.

Kofoeds Skole kalaallinut isumaginninnikkut atugarliortunut suliniarnermi pingaarutilimmik ingerlatsisuuvoq kalaallinullu atugarliortunut suliniutini arlalissuarni peqataaffigisaqarluni.

Suliniarneq Kalaallinut Immikkoortortaqarfimmit, Nyrnberggade 1-imi inissisimaffeqartumit, ataqatigiissaarneqartarpoq. Suliniarnermut ilaatigut ilaapput orniguttarluni suliaqarneq, sulilersitsiniaaneq attaveqarfinnillu ineriartortitsineq. Københavnimi, Århusimi, Aalborgimi Esbjergimilu ingerlatanik ingerlatsisoqarpoq.

Matuma ataani Kofoeds Skolep Københavnimi suliniutai eqqaaneqarput. Atuarfiup suliniutai allat illoqarfiit taaneqartut sinnerisa ataanni atuarsinnaavatit.

Quassi – isumaginninnikkut sulilersitsiniaasarfik

Quassi tassaavoq Kofoeds Skolemi illu sannaveqarfik, tassanilu sammisassaqartitsiniutit kalallit isumaginninnikkut ajornartorsiuteqartut imminnut ikiorsinnaalernissaannut ikiuunnissamik siunertaqarput. Quassi assigiinngitsunik sannavilerlugu aaqqissuunneqarsimavoq, qaanniornermik qamusiornermillu, amernik mersornermik sapangaaqqerinermillu suliaqarnissaq periarfissaallutik. Tamatuma saniatigut inunnut ataasiakkaanut ikorfartuineq, siunnersuineq ilitsersuinerlu ingerlanneqartarput.

Quassi inooqatigiinnermi sammisassanut soorlu kalaaliminernik nereqatigiinnermut qajartornermullu aamma aallaaviuvoq. Quassi angutinut arnanullu saaffiginnittuuvoq – pingaartumik suliniuteqarfigineqartut isumalluutitigut nukittunerulaartortaannut, ilaatigut sulilersitsiniaanermik aaqqissuussinernik atuisunut.

Kofoeds Skole, Kalaallinut Immikkoortortaqarfik

Nyrnberggade 1

2300 København S

Tlf.: 3268 0200

Fax: 3295 6217

E-mail ks@kofoedsskole.dk

Ornittagaq Naapiffik

Naapiffik naapeqatigiittarfiullunilu ornittagaavoq, tamatuma peqatigisaanik Vesterbromi orniguttarluni suliniarnermut aallaavittut atuuttoq. Ornittagaq Københavnimi Kalaallit Illuutaat suleqatigalugu ingerlanneqarpoq.

Ornittakkami sammisassat ilaatigut tassaapput oqaloqatigiinnerit, nereqatigiinnerit, siunnersorneqarneq, qallunaatut atuartinneqarneq, internatit, timersorluni sammisassaqartitsinerit, assassorneq, AA-mi ataatsimiinnerit inissarsiornerlu.

Orniguttarluni suliaqarnermi inuttut ataasiakkatut ikorfartorneqarnissaqm siunnersorneqarnissaq ilitsersorneqarnissarlu, pisortanut attaveqarnermik isumaginninneq il.il. neqeroorutigineqartarput.

Ornittagaq Naapiffik

Arkonagade 23

1726 København V

Tlf.: 3322 3125

Najugaqatigiiffik Miteq

Miteq kalaallinut arnanut najugaqatigiiffiuvoq Valbymi villamiittoq. Najugaqatigiiffik kalaallit arnat atornerluiffiunngitsumik ineqarlunilu inuuneqarnermik misilittagaqartilernissaannik siunertaqarpoq.

Miteq utaqqiisaagallartumik najugaqarfittut atuuppoq. Arnallu tamatuminnga kissaateqartut sivikitsumik sivisunerusumilluunniit Mitermi najugaqareerlutik namminerisamik initaarnissamut ingerlaqqiffiusumik ikiorneqartarput.

Najugaqatigiiffimmut nuunnissamut tulleriiaarineq Mitermi pisarpoq, ineqartullu Københavns Kommunemi initaarnissamut inassuteqartarfimmi piaartumik initaartussatut allattorsimaffimmi utaqqisutut allatsissimanissaat piumasaqaataavoq.

Miteq

Attaveqarfik: Lisbeth Nuka Pedersen

Tlf.: 4088 0551

_________________________________________________________________

Ini kialaartarfik Fedtekælderen

Ini kialaartarfik Fedtekælderen atornerluisunut, angerlarsimaffeqanngitsunut, eqqarsartaatsimikkut napparsimasunut inunnullu kiserliortunut ornittagaavoq. Fedtekælderen kalaalerpassuarnik atuisoqarpoq, taamaattumik kalaallimik sulisoqarluni. Kalaalerpassuit ullormut kialaartarfimmut takkuttartut kalaallisut ikiorsinnaanissaat siunertaavoq. Oqaatsitigut kulturikkullu assigiinngissutsit eqqortumik ikiorneqarnissamut annertuumik aporfissaasinnaanerat misigisimavarput. Inimi kialaartarfimmi pisariaqartitat tunngaviusut soorlu kissartunik nerineq, uffarneq, nujaajartinneq, isikkanik asattuineq il.il. matussuserneqarsinnaapput. Taamatuttaaq pisortanut il.il. attaveqarnermut atatillugu ikiorsertittoqarsinnaavoq. Fedtekælderen angalaartitsisarpoq aasaaneranilu tammaarsimaartitsisarluni, ukiuuneranilu nalunneq, sulorarneq, bowling il.il. ingerlanneqartarput.

Kirkens Korshærip iniutaa kialaartarfik Fedtekælderen

Overgaden oven Vandet 6a

1415 København K

Tlf: 32545608

E-mail: fedtekaelderen@kirkenskorshaer.dk

___________________________________________________________________

Naajartortitsivik

Naajartortitsivik 1992-imiilli inunnut suliffeqarnerup killingani inissisimaffeqartunut neqeroorutinik inuussutissarsiornermut sammivilinnik pilersuisuusimavoq. Suliffeqarfiit namminersortut pisortanilu suliffeqarfiit qanimut suleqatigalugit Naajartortitsivik suliffeqarnerup imartuup iluani qaffasissutsinut tamanut piginnaasanik ineriartortitsinermik suliaqartarpoq.

Naajartortitsivik kalaallinut isumaginninnikkut atugarliortunut inuussutissarsiornermut sammivilimmik piginnaanngorsaanissamik neqerooruteqartarnermi januar 2004-mi Københavns Kommunemik aamma Kalaallit Illuutaannik suleqateqalerpoq. Suliniut taaguuteqarpoq Kalaallit Københavnimiittut matumalu ataani allaaserineqarluni.

Inuussutissarsiornikkut piginnaanngorsaaneq pillugu annertunerusumik atuarsinnaavutit.

Væksthuset

Sundholmsvej 34, 1.sal

2300 København S

Tlf.: 3254 7045

Fax: 3254 1602

E-mail adm@vaeksthus.dk

_____________________________________________________________

Suliniut Kalaallit Københavnimiittut

Suliniut Kalaallit Københavnimiittut Kalaallit Illuutaannit siulersorneqarpoq. Qiperoq, Kofoeds Skole aamma Naajartortitsivik sulilersitsiniaanissamik suleqatigiissuteqartut tamatumani qitiupput.

Suliniummi kalaallit Københavnimiittut attuumassutilimmik suliaqarnissamik neqeroorfigineqarsimanngitsut, inissaminnik amigaateqartut allatulluunniit pissuteqarlutik ikorfartorneqarnissamik pisariaqartitsisut neqeroorutit attuumassutillit pissarsiarineqarnissaasa tungaannut saaffigineqarput.

Suliniummi kalaallinut isumaginninnikkut atugarliortunut suliniarnerup ataqatigiissaarneqarnera aqqutigalugu peqataasut ataasiakkaat inuiaqatigiinni suliffeqarnermilu akuutinneqarnerannik qaffassaanissaq siunniusimaneqarpoq. Tamanna pissaaq sulilersitsiniaanermi piginnaanngorsaaqqiinermilu suliniutit aqqutigalugit.

Atuaruk Suliniutip Kalaallit Københavnimiittut ukiuanik siullermik nalilersuineq (qallunaatooq)

Qiperoq

Skelbækgade 24 A

1717 Kbh. V

Tlf.: 3325 0057

Fax 3325 0093

E-mail: qiperoq@sumut.dk

_____________________________________________________________

Ulluunerani atornerluisutut katsorsartinneq Frederiksberg Centret

Kofoeds Skolep Frederiksberg Centret suleqatigilersimavaa, tamatumanilu atuisut atornerluisutut katsorsartinnissamik pisariaqartitsisut innersuunneqartarlutik. Sullitat ataasiakkaat katsorsartinnerisa ingerlaneranut atatillugu Kofoeds Skolemi aamma Kalaallit Illuutaanni attaveqarfiit ilisimatinneqarlutillu akuliutsinneqartarput.

Suliniuteqarfigineqartut tassaapput kalaallit maani najugaqartut, imigassamik aamma/imaluunniit aanngajaarniutinik allanik annertuumik atornerluisuusut, kiisalu attaveqarfinnik atuiniarnerminni annertuumik piginnaasakitsuusut. Katsorsartinnertaa kalaallisut ingerlanneqartarpoq.

Frederiksberg Centeret

Nordre Fasanvej 57

Vej 10, opg. 16

2000 Frederiksberg

Tlf.: 3321 7300

__________________________________________________________________

Angakok, Christiania

Angakok kalaallinut imigassartorfiunngitsumik caféuvoq. Café Christianiami Stjerneskibimi inissisimaffeqarpoq. Angakok atuisunit aqunneqarpoq kulturikkullu sammisassanik inuppalaartumillu ataatsimuualaarnermik neqerooruteqartarluni. Tassani inunni isumalluutinik nassaarniarnissaq siunnerfeqartumik sulissutigineqartarpoq. Aallaavik tassaavoq inunnik pissuserisaat malillugit naapitsinissaq.

Christianiami inissianik kaosboliginik aalajangiusimanninneq ineriartortitsinerlu

Suliniummi Christianiami inissianik kaosboliginik aalajangiusimanninneq ineriartortitsinerlu siunnerfigineqarpoq. Inissiat isumaginninnikkut imartussuseqarluartut ataatsimoorussamillu akisussaassuseqarfiusut aalajangiusimaniarneqarput avatangiisit piumasaqataannut naaperiaanissamut sanngiinnerpaat ikiorniarlugit. Taamaalilluni suliniummit atuisut ineriartornermut allannguerusunnermullu kajumilersinneqassapput kiisalu atuartinneqarnissamut atornerluisutullu katsorsarneqarnissamut putumajuitsuunerullu ikorfartorneqarnissaanut kaammattorneqassallutik.

Attaveqarfik: Herfra og Videre, hov@herfraogvidere.dk

Café ikiaroornartumik imigassamillu atuiffiunngitsoq Angakok

Suliniummi sammisassaqartitsiniutinut ilaapput nal. 10-15 cafémik ikiaroornartumik imigassamillu atuiffiunngitsumik kiisalu ornittakkamik imigassamik atuiffiunngitsumik nammineerluni aaqqissuussamik nal. 15-22 pilersitsineq. Tamatuma saniatigut kalaallisut isiginnaartitsinermilu atuartitsinermik neqeroorutinik, atornerluisutut katsorsartinnissamik neqeroorutinik kiisalu nerisassiornermi anaanaasumik, ornittakkami aallaaviusumik, ’isumaginninnermi vicevært’-itut qaffatsitsinissamik pilersitsisoqassaaq. Kingullertut taaneqartumut atatillugu siunnersuisarneq ingerlanneqassaaq.

Attaveqarfik: Herfra og Videre, hov@herfraogvidere.dk

Angakok

Christianiami najugaqartunut siunnersuisarfik: 32 57 50 00

Odense

Odensemi kalaallinut isumaginninnikkut atugarliortunut suliniarnerit

Odensemi Kalaallit Illuat

Kalaallit Illuannit isumaginninnermi siunnersuisarnerup, ilinniartitaanerup kiisalu kulturip paasissutissiisarnerullu iluani Kalaallit Nunaanni Danmarkimilu oqartussanut, suliniaqatigiiffinnut inuinnarnullu kiffartuussinissamik suliassat isumagisarineqarput.

Nuna eqqarsaatigalugu Kalaallit Illuannit Region Syd suliassaqarfigineqarpoq.

Ikorfartorteqarnermik attaveqaateqarnermillu aaqqissuussineq

Suliniummi anguniagarineqartoq tassaavoq oqaatsitigut perorsaanikkullu ikorfartuinermik pitsaanerusumik, inunnut immikkoortillutik inuusunut pitsaanerusumik tapersersuinissamik kiisalu meeqqanut ilaqutariinni atornerluisuniittunut pitsaanerusumik ikorfartuinissamik pilersitsinissaq. Tamanna ikorfartorteqarnermik attaveqaateqarnermillu aaqqissuussinermik attaveqarfiillu katersorneqarfiannik pilersitsinikkut pissaaq.

Tamatuma saniatigut ingerlatat tassaapput pisortanut attaveqarnermi ataavartumik ikiuunneq, meeqqanut ilaqutariinni atornerluisuniittunut attaveqarfinnik pilersitsineq kiisalu inunnik Kalaallit Nunaanneersunik piukkunnaatilinnik kommunit sulisussarsiortarnerannut ikiuunneq.

Attaveqarfik: Kirsten Mærsk, ks@dgh-odense.dk

Quppersagaq nutaaq

Odensemi Kalaallit Illuat kalaallinut tikerlaanut quppersagaliorsimavoq. Quppersagaq qulequttanik makkuninnga imaqarpoq: qallunaatut atuartinneqarneq, oqalutseqarneq, suliffeqarneq, ikiorsiissutinut attaveqarneq, meeqqat il.il.. Quppersagaq aqqutigalugu kalaallit tikerlaat Odensemi sungiussilertornissamut ikiorneqassapput.

Quppersagaq aajuk

Cafe Allu

Cafe Allu kalaallinut innuttaasunut tamanut inunnulllu kalaallinut attuumassutilinnut imaluunniit Kalaallit Nunaannik soqutigisaqaannartunut caféuvoq imigassamik atuiffiunngitsoq. Café Kalaallit Illuata kælderiani inissisimaffeqarpoq. Cafémi kaffimik nammineerlunilu iffiukkanik akikitsumik pisinissamut periarfissaqarpoq, tamatuttaarlu Kalaallit Nunaanni aviisinik atuagassianillu nutaanik atuarnissamut periarfissaqarluni.

Ualikkut caféqartitsinermut atatillugu akuttunngitsumik aaqqissuussinerit ingerlanneqartarput, soorlu saqqummersitsinernik ammaanerit, ilinniartunut naggataartitsinerit il.il. Cafémi assassorluni suliaqarnissamut kiisalu amernik mersornermi ilitsersorneqarnissamut periarfissaqarpoq.

Café sisamanngornerit tamaasa nal. 13.00 – 18.00 ammasarpoq.

Kigutileritinneq

Odensemi peqatigiiffik Foreningen Zonta qinnuteqaateqartoqarnerata kingorna Odensemi Kalaallit Illuannut aningaasanik akuersissuteqarsimavoq Syddansk Regionimi kalaallit arnat isumaginninnikkut atugarliortut kigutileritittarnerinut atatillugu nammineerluni akiliutissat matussuserneqarnissaannut atugassanik.

Suliniut pilersinneqarsimavoq kigullunnermi imminut tatiginerup suliffeqarnermullu attuumassuteqarnerup ajornartorsiutinik eqqugaasarnera akiorniarlugu. Paasissutissat sukumiinerit pillugit Kalaallit Illuat attaveqarfigiuk.

Ilitsoqqussaralugu oqaatsinik atuartitsineq

Odensemi kommuninilu eqqaamiorisani meeqqanut atuartunut ilitsoqqussaralugu oqaatsinik atuartitsinerup pilersinneqarnissaa pillugu Odensemi Kalaallit Illuat Odense Kommunemik suleqateqarsimavoq.

Atuartitsineq 2008-mi septembarip qaammataani Kalaallit Illuanni aallartissaaq.

Paasissutissat annertunerit uannga pissarsiarineqarsinnaapput:

Birgit Jørgensen, isumaginninnermi siunnersorti

Tlf:. 6613 7085

E-mail: bj@dgh-odense.dk

Kalaallit Illuat

Hunderupvej 61

5000 Odense C

Tlf.: 6613 7085

Fax: 6591 7048

E-mail: mail@dgh-odense.dk

Vejlemi aamma Esbjergimi Kalaallinut Siunnersuisarfiit ingerlanneqarnerannut Odensemi Kalaallit Illuat isumaginnittuuvoq.

Vejle

Vejlemi kalaallinut isumaginninnikkut atugarliortunut suliniarnerit

Vejlemi Kalaallinut Siunnersuisarfik

Siunnersuisarfik isumaginninnermut tunngasuni kalaallinut Vejlemi eqqaanilu najugaqartunut siunnersuisarpoq. Siunnersuisarfik Odensemi Kalaallit Illuata ataaniippoq.

Sisamanngornerit tamaasa ualikkut Vejlemi social caféqartarpoq.

Vejlemi siunnersuisarfik killilimmik ammasarpoq, kisianni ammanerata avataani Odensemi Kalaallit Illuat attaveqarfigineqarsinnaavoq.

Kalaallinut Siunnersuisarfik,

c/o Parasollen,

Vestergade 16 C,

7100 Vejle.

Tlf.: 2560 7650

E-mail:  dgr-vejle@mail.tele.dk

Odensemi Kalaallit Illuat

Viborg

Kalaallit Illuat

Århusimi Kalaallit Illuata Region Midtjylland tamakkerlugu suliassaqarfigaa, kalaallillu Århusimit ungasissumi najugaqartut ilaannut isumaginninnikkut ikiorsiissuteqarnissamik neqeroorsinnaajumalluni 1. august 2007 Viborgimi najukkami allaffik pilersinneqarpoq.

Isumagininnermi siunnersorti Connie Ibsen Jensen inuttut ornigunnikkut saaffigineqarsinnaavoq marlunngornermi 11.00-15.00, imaluunniit telefon 2943 8478 aqqutigalugu naapinneqarsinnaalluni.

Kalaallit Illuat, Viborgimi najukkami allaffik

De Frivilliges Hus

Vesterbrogade 1

8800 Viborg

Århus

Århusimi kalaallinut isumaginninnikkut atugarliortunut suliniarnerit

Matuma ataani makku pillugit paasissutissanik pissarsisinnaavutit:

Kalaallinut suliniut, Århus Kommune

Ullormut sulisorineqartarnermik suliniut, Århus Kommune

Århusimi Kalaallit Illuat

Kofoeds Skole, Århus

Århus Kommunemi angerlarsimaffeqanngitsunut periusissiaq

______________________________________________________________

Kalaallinut Suliniut, Århus Kommune

Kalaallinut Suliniut Århus Kommunemi Center for Særligt Socialt Udsattep (CSSU) ataaniittoq, ukiuni marlunni kalaallit isumaginninnikkut atugarliortut Århusimi najugaqartut pillugit ilisimasanik katersisimavoq. Suliniummi ukiunik pingasunik sivisussuseqartussami sulisorineqarput orniguttarluni sulisoq ataaseq, najugaqarfimmi tapersersortitut sulisoq ataaseq kiisalu suliniummut ataqatigiissaarisoq (piffissap ilaannaani sulisartoq) ataaseq.

Suliniuteqarfigineqartut pillugit ilisimasat katersorneqarsimapput apeqqarissaarfiginninnerit, immersugassat atorlugit misissuineq annertooq, kiisalu pisortani oqartussat Århusimi kalaallinut isumaginninnikkut atugarliortunut attaveqarneranni suliniummut suleqataasut paasissutissiisartut illersuisutullu sulinerat aqqutigalugit.

Suliniut aqqutigalugu qanoq ililluni kalaallit atugarliortut immikkut pisariaqartitaannik, soorlu suliamik ingerlatsinermi ilaqutariittullu katsorsaanermi, suliassaqartitsinermi sulilersitsiniaanermilu, qanoq ililluni pitsaanerpaamik isiginninniartoqarsinnaaneranik ingerlatitseqqiileruttorpoq.

Århusimi Kalaallit atugaliortut pillugit nalunaarusiaq atuaruk.

Suliniummi ilisimasat angusallu pillugit annertunerusumik atuarsinnaavutit maani

Århus Kommunemi Kalaallinut Suliniut pillugu annertunerusumik atuarsinnaavutit maani

Attaveqarfik: Henriette Kjær, hka@fa.aarhus.dk

Attaveqarfik: Palle Eli Jensen, pej@fa.aarhus.dk

Center Basen

Søren Frichs Vej 36 G

8230 Åbyhøj

8000 Århus C

Tlf.: 8940 3314

___________________________________________________________

Kalaallinut Århusimi najugalinnut ullormut sulisorineqartarnermik suliniut, Århus Kommune

Århus Kommunemi suliffissaqartitsiniarnermut ingerlatsivimmi suliffeqarnermut attaveqarfik kalaallinut illoqarfimmi najugaqartunut atugarliortunut ullormut sulisorineqartarnermik neqerooruteqartarnermigut juunimi 2005-imiit decembarimi 2006-imut pissanganartunik arlalissuarnik misilittagaqalerpoq. Suliniut ’Kalaallinut suliniut – Århusimi kalaallinut ullormut sulisorineqartarnermik suliniut’ maanna naammassineqareerpoq, misilittakkallu nalilersuinermik nalunaarusiami allaaserineqarsimallutik. Nalunaarusiaq maani downloaderneqarsinnaavoq.

Ullormut sulisorineqartarnermik suliniut kalaallinut Århus Kommunemi najugalinnut, siusinaartumik soraarnerussutisianik imaluunniit aningaasanngorlugit ikiorsiissutinik pisartagaqartunut, sammitinneqarpoq.

Ulluinnarni ullut tamaasa bussi sulisunik suliniummullu peqataasunik arfineq-pingasut angullugit amerlassusilinnik ilaasoqarluni ullormut suliassanik suliaqariartorluni angalatinneqartarpoq: naatitanik katersineq, naatitassanik ikkussuineq, saliineq, aserfallatsaaliinermik suliassanik oqinnerumaanik suliaqarneq allarpassuillu. Ullormut sulisorineqartartut ikiorsiissutinik pisartagaannut tapertassatut kr. 12,45-nik akunnermusiaqartinneqartarput.

Ullormut sulisorineqartarneq periusitoqaavoq misilittarneqarluarsimasoq. Tamanna sapaatip-akunneranut ulluni tallimani ”arfineq-pingasuniit sisamanut” nalinginnaasumik suliffeqarnermit suliffeqarnermi allaanerusumik suliaqarneruvoq. Ullormut sulisorineqartarnerup kalaallinut atugarliortunut suliffissaaleqineq qimanniarlugu aqqutissaqqissuusinnaanera suliniummi tunaartarineqarsimavoq. Tunaartarisaq tamanna ilumoortuusoq paasinarsivoq.

Ullormut sulisorineqartarnermik suliniut paasinarsivoq neqeroorutaasoq peqataasut ataasiakkaat suliniutip avataani suliffeqalernerannik kinguneqartoq. Suliniutip ingerlanerani peqataasut allat ulluinnarni patajaassuseqarnerunermik sungiussipput taamaalillutillu tamatuma kinguneranik atornerluinerminnik annikillisitsillutik. Peqataasut tamarmik suliffeqarfinni assigiinngitsorpassuarnik sulinermik misiliipput, taamaalillutillu suliassanik assigiinngitsunik suliaqarnissamut aamma misiliillutik. Taamatuttaaq Danmarkimi suliffeqarnerup iluani misilittagaqalerput nalilerujussuarnik.

Attaveqarfigiuk Palle Eli Jensen una aqqutigalugu: pej@fa.aarhus.dk

Suliniutip allaaserineqarnera pisoqaq atuaruk

Ullormut sulisorineqartarnermik suliniut pillugu nalilersuilluni nalunaarusiaq atuaruk maani.

Nittartagaq una aqqutigalugu filmi "To grønlændere i Århus" (kalaallit marluk Århusimi)  nassaariuk: To grønlændere i Århus

Malugiuk:

Suliffeqarnermut attaveqarfik, Arbejdsmarkedsnetværk, 1. januar 2007-imiit ima taaguuteqalerpoq: Jobcenter Århus, Virksomhedskonsulenterne

Jobcenter Århus, Virksomhedskonsulenterne

Værkmestergade 3-5

8000 Århus C

Tlf.: 8940 6800

Fax 8940 6830

E-mail: pej@fa.aarhus.dk

________________________________________________________________

Århusimi Kalaallit Illuat

Århusimi Kalaallit Illuat ullumikkut kalaallinut Danmarkimiittunut kiffartuussinermik suliffeqarfittut kiisalu ilinniarfinni qaffasinnerusuni ilinniartunut ineqarfittut atuuppoq. Århusimi Kalaallit Illuata Region Midtjylland suliassaqarfigaa. Tamatuma saniatigut kalaallit illuat kalaallinut isumaginninnikkut atugarliortunut suliniutinut arlalinnut akuuvoq Århus Kommune aamma Kofoeds Skole suleqatigalugit.

Attaveqarfik: Svend Kolte, sk@glhus.dk imaluunniit Simon Lynge, sl@glhus.dk

Annertunerusumik atuarit:

Århusimi Kalaallit Illuat

Dalgas Avenue 52

8000 Århus

Tlf. 86 11 02 88

Fax 86 14 69 77

E-mail: aarhus@glhus.dk

Nereqatigiittarneq

Kalaallit Illuat Århus Kommune suleqatigalugu kommunemi kalaallinut isumaginninnikkut atugarliortunut nereqatigiissitsinermik aaqqissuussisarpoq. Nereqatigiinnerit ingerlanneqartarput ornittakkami uani: Værestedet, Jægergårdsgade 107, upernaap ukiallu qaammataani sisamanngornerit allortarlugit.

Nereqatigiinnerit nammineq kajumissutsiminnik ikiuuttartut qulit peqataasoralugit suliarineqartarput aaqqissuussinerlu ornigarneqarluartarpoq, agguaqatigiissillugit inuit 30-35-t nereqatigiittarmata. Nereqatigiinnerit kalaallinut atugarliortunut ingerlalluartunullu ammasuupput. Aaqqissuussinermi siunertarineqartoq tassaavoq kalaallit isumaginninnikkut atugarliortut ilaatigooriarlutik kissartunik nerisaqartarnissamut periarfissinnissaat. Ungasinnerusoq eqqarsaatigalugu kalaallit ingerlalluarnerusut kalaallinik isumaginninnikkut atugarliortunik ataatsimooqateqalernissaat anguniagaavoq, kalaallit ingerlalluarnerusut kalaallinut isumaginninnikkut atugarliortunut ikorfartortitut atuutilersinnaaqqullugit imaluunniit attaveqarfimmik pilersitsisinnaaqqullugit.

Ornittagaq ingerlalluartunik avatangiiseqarpoq, orniguttartullu assersuutigalugu nerrivimmi arsaararnermik, billardimik, pinnguaatinik assigiinngitsunik atuisinnaapput, taamatuttaarlu qarasaasiat internettimut attavillit atorneqarsinnaallutik.

Orniguttarluni suliniarneq

Kalaallit Illuat orniguttarluni suliaqarnermik annikikkaluamik ingerlataqarpoq, pingaartumi inini kialaartarfinni, ornittakkani allanilu kalaallit isumaginninnikkut atugarliortut naapeqatigiiffigisartagaanni. Siunertarineqartoq tassaavoq Kalaallit Illuata neqeroorutaanik assigiinngitsunik kalaallit isumaginninnikkut atugarliortut eqqumaffiginnilersinnissaat minnerunngitsumillu kalaallit nalinginnaasumik attaveqarfigineqartanngitsut attaveqarfigineqalernissaat.

Pulaartartoqarneq

Kalaallit utoqqaanerumaat kalaallinut allanut inuttut attaveqalernissamik ujartuinerannut atatillugu Kalaallit Illuat pulaartartoqarnermik annertunngitsumik aallartitsisimavoq. Utoqqaat taamaaliorsimapput namminneerlutik anisinnaanertik attaveqaatinillu pilersitsisinnaanertik aalajangiusimannissinnaanertillu ajornakusoortikkamikku.

Atuagassiaaqqatsinni Qivimi ussassaaruteqareerluta nammineq kajumissutsimik pulaartartunik sisamanik peqalerpugut, tamarmik marluinnik oqaasiliusunik. Pulaartartoqarneq aqqutigalugu ukiup ingerlanerani kalaallinut utoqqarnut pingasunut arnamullu inuusunnerusumut innarluutilimmut pulaarnissaq isumagineqarsimavoq. Pisariaqartitsineq annertusiartorsimammat pulaartartoqarneq annertusarniarparput sulilul aaqqissuussinerup annertusarnissaanut nammineq kajumissutsiminnik pulaartartunik pissarsiorluta.

Aallaavittut pulaartartoq sapaatip-akunnera allortarlugu akunnerit marluk missaannik sivisussuseqartumik pulaartassaaq, kisianni assersuutigalugu napparsimasoqartillugu sivisussuseq, akulikissuseq, pisariaqartitsineq sivisussuserlu allanngorsinnaapput. Pulaartartup angalanerminut aningaasartuutai ilaasunik angallassissutini tamanit atorneqartartuni sapinngisamik akikinnerpaamik angalanermut naapertuuttut Kalaallit Illuannit matussuserneqartarput pulaartartorlu assersuutigalugu inuuissiortoqartillugu tunissutissamik akikitsumik pisisinnaavoq.

Peqatigiiffik Naapiffik

Gellerupimi kalaalerpaalussuit isumaginninnikkut atugarliortut najugaqarput, taakkulu ilarpaalussui suleqatigalugit peqatigiiffimmik aallartitsisoqarsimavoq. Peqatigiiffik ilaatigut siunertaqarpoq Gellerupimi isumaginninnikkut sullissisunut, najugaqartunut, peqatigiiffinnut, inissiaatileqatigiiffinnut assigisaannullu oqaaseqartartuunissamik. Peqatigiiffik Gellerupimi Kalaallit Inuiattut Ulloqartinneqarnerannik ingerlatsinermi eqeersimaartorujussuuvoq, ilaatigut ullup ingerlanneqarnissaanut pilersaarusioqataasarnikkut aaqqissuusseqataasarnikkullu. Peqatigiiffik isumalluutaasorujussuartut Kalaallit Illuannit isigineqarpoq sutigullu tamatigut ajornaatsuni ajornartunilu tapersersugarineqarluni.

Sulilersitsiniaanermik suliniut Kammak

Kammak sulilersitsiniaanermik suliniutaavoq Kalaallit Illuata aamma Århus Kommunep suleqatigiiinnerisigut pilersinneqarsimasoq. Suliniut kalaallinut atornerluinermik ajornartorsiutilinnut saaffiginnittuuvoq.

Kammak imigassartorfiunanilu ikiaroornartutorfiunngilaq inunnullu 12-15-inut inissaqarluni. Tassani ilaatigut poortuinermik suliamut kiisalu pinngortitami kulturimullu tunngasuni angalaartitsinernut peqataanissamut periarfissaqarpoq. Tamatuma saniatigut allannermik, atuarnermik pc-millu atuinermik ilinniarnissamut ikiorneqarnissaq neqeroorutigineqartarpoq.

Århusimi Kalaallit Illuat aqqutigalugu annertunerusumik atuarsinnaavutit.

Kammak

Nørrebrogade 22-26

8000 Århus C

Tlf. 86 11 02 88/20 48 18 93

Åbningtider:

Ma-fre: 08.30-13.30

Århus Kommunemit suliarinnittussarsiuussineq nutaaq - primo 2008

Århusimi Kalaallit Illuat suliarinnittussatut isumaginnittussanngortitaavoq taamalu Århusimi kalaallinut ”Ilitsersorneqarneq Piginnaanngorsaqqinneqarnerlu” (eqeersimaartumik suliffissaqartitsiniarnermik suliniut pillugu inatsit naapertorlugu) pillugu sinaakkusikkamik isumaqatigiissusiorfigineqarluni.

Suliarinnittussanngornerup kinguneranik Århus Kommunemi jobcenterimit kalaallit suliffeqarnermik suliniummut qulaani allaaserineqartumut aamma Kammak-mut ingerlateqqinneqarsinnaapput. Kisianni tamanna aamma isumaqarpoq, suliniutit allaffissornikkut Århus Kommunemi pissutsinut naleqqussarneqarnissaannik.

Isumaqatigiissutit sinaakkusikkamillu isumaqatigiissut ukiuni marlunni atuutissapput.

__________________________________________________________________

Kofoeds Skole, Århus

Ikinngut – kalaallinut suliffissaaleqisunut pikkorissarneq

Ikinngut suliffissaaleqisunut kalaallisut ilitsoqqussaralugu oqaasilinnut immikkut ittumik pikkorissaaneruvoq. Pikkorissaanermi kalaallit qallunaat oqaasiinik piginnaasaqalaartut Danmarkimilu inuiaqatigiinnik ilisimasaqalaareersut, tamatumalu peqatigisaanik qallunaatut pikkorinnerulernissamut Danmarkimilu inuiaqatigiit pillugit ilisimasaqarnerulerusuttut, saaffigineqarput. Pikkorissartut piginnaasaat naapertorlugit pikkorissaaneq aaqqissuunneqartarpoq.

Tamatuma saniatigut kalaallit atuarfimmi sammisanut allanut atuarfimmi atuartut allat naligalugit peqataasinnaapput: Tamanna pisinnaavoq sanasunut immikkoortortaqarfimmi imaluunniit iggavimmi suliassani aamma/imaluunniit atuartitsissutini ataasiakkaani arlalinniluunniit, qarasaasiarsornermi, tuluttoornermi, erinarsornermi, timigissarnermi aamma titartaanermi/qalipaanermi.

Kofoeds Skole Århus

Toldbodgade 6, 1.+ 2. sal

8000 Århus C

Tlf.: 8612 2702

Fax: 8612 2703

ksaarhus@kofoedsskole.dk

_______________________________________________________________

Århus Kommunemi angerlarsimaffeqanngitsunut periusissiaq

Århus Kommune siornatigut Atugarissaarnermut ministereqarfiusumit Danmarkimi angerlarsimaffeqanngitsut ikililerniarneqarneranni misileraasussatut toqqarneqarpoq. Tamatumunnga atatillugu kommune angerlarsimaffeqanngitsunut periusissiorpoq, oqartussaanermut suliaqarnermullu tunngasunik isiginninniarfiusumik, ilaatigullu Atugarliortunut Siunnersoqatigiiffimmik pilersitsisoqarpoq. Kalaallit angerlarsimaffeqanngitsut neqeroorutinut nutaanut ilanngullugit eqqarsaatigineqarsimapput.

Periusissiaq pillugu annertunerusumik atuarit maani.