Gaba Chemnitz
Tamalikaffiusumik angalasimavunga
Ukiup affaata matuma siorna imigassaq naalagaralugu inuuvunga. Piffissap annersaani naligisakka ilagisarpakka. Naammattunik aningaasaateqaruma fiistilissaanga. Taava imminut qiviartalerpunga. Inuuninni allatut ingerlarusukkuma imerunnaartariaqarnera nassuerutigiartuaalerpara. Taamaaliorusuppungalu. Maanna aalakoornaveersaarlunga ullut ataasiakkaartalerpakka.
Danmarkiliarpunga ilinniarusukkama. Ingerlalluanngilangali. Atuarfimmiinninninngarnit imerniartarfinniinnerusarpunga, semesterillu akuerineqanngimmata atuarunnaarpunga. Tamanna angusaqarfiunngilaq. Ukiuni marlussunni kollegiami najugaqarpunga. Ullut tulleriiaatiinnavillugit fiisterneq nuannisarnerlu pisarput... Tamatumunnga atatillugu sukkut tamaana ataatsimooqatigiinnut ilaavunga.
Taava Kalaallit Nunaannut uterpunga. Qaammatini tallimani nunatsinneereerlunga Danmarkimut uternissara kissaatigiinnalerpara – tamaanilu ikinngutit imeqatigalugillu nuannisaqatigisinnaasakka ornittarlugit.
Gaba Chemnitz pillugu oqaluttuaq tamaat quppersakkami atuaruk.