Kalaallit Nunaannit Danmarkimut

Johanne Kleist

Inuusoq Sisimiuni 1983-imi.
Qatanngutigiinni tallimaasuni angajulliup tullia.
Johanne qatanngutai nukarliit marluk Danmarkimi najugaqarput.

Angutaa anaanassaalu Johanne nukaa peqatigalugu Kalaallit Nunaanni najugaqarput. Affarmik ania aatakkumini najugaqarsimavoq. Johannep arnaa 1997-imi toqukkut qimaguppoq.

Johanne Kalaallit Nunaanni atuartooreerami suliffeqalersimavoq. 2007-imi Danmarkiliarpoq teknisk skolemi ilinnialissalluni. Qaammatit arlaqanngitsut ingerlareersullu ilinniakkaminik taamaatitsivoq.

Aalborgimi Kofoeds Skolemut aalajangersimasumik attaveqarpoq. Naartuvoq erniartorlunilu Kalaallit Nunaannut nuunniarluni aalajangersimalluni.

Johanne Kleist

Aatsaat maanna siumut isiginiarsinnaalerpunga

Danmarkimut nuuppunga ilinnialerniarlunga ingerlatiinnarlu Aalborgimi initaarlunga. Kisianni ilinniagassatigut oqaatsitigullu malinnaaniarneq ajornakusoorpoq.

Qaammatit marluk affarlu ingerlareersullu sussakkeeriinnarpunga.

Taamaalinerani nikallungasorujussuuvunga: Ikinngutinnik imminortumik annaasaqaqqamerpunga. Anaanaga peerutereersimavoq. Qanoq inuuneqarnissama paasiniarnissaa ajornartorsiutigikannerpara.

Eqqarsarpunga uninngagallartariaqarlunga. Taava Jyllandimi Sjællandimilu ilaquttannut angalasaqattaalerpunga. Tamatuma ingerlanerani inigisara annaavara, imertalerpunga Aalborgimeeqqileramalu kalaallit allat ilagalugit bowlingerneq allallu kisiisa sammisarilerlugit.

Johannep oqaluttuaa tamaat quppersakkami atuaruk.

Johannemit siunnersuutitsialaat

Qanoq iliornissat paasiuminaatsikkukku ikiortissarsiorit.

Oqaloqatigisinnaasannik nassaarniarit. Imminut paarilluarit – maluginiarullu qaqugukkut suut ilinnut pitsaasuusannginnersut.