Karina Kleist
Danmarkimiinnini iluarisimaaraa – Kalaallit Nunaannut utissamaartoq
Danmarkimi tikilluaqqusaasutut misigiuaannarsimavunga. Aallaqqaammut qallunaat tikillugit iserfiginissaat ajornakusuulaarpoq. Qallunaat kalaallillu naapisimaaqatigeeriaasiat assigiinngitsuummat. Aamma ullormiit ullormut nutaanik ikinngutitaartoqartanngilaq. Attaveqarfinnik pilersitsiniassagaanni inuttut nammineerluni annertuumik suliniuteqarnissaq pisariaqarpoq.
’Kalaallit ilinniartut peqatigiiffiat’ – JAKIP Jyllandip Avannaani Kalaallit Ilinniartut Peqatigiiffiat, kingorna aamma siulittaasunngorfigisara, akuuffigilerakku iluaqutigaara. Kalaallinik attaveqarfeqarnermi ajoqutaasartoq tassaavoq qallunaanut ilinniaqatinut atatillugu imminut mattusimalersinnaaneq.
Aappara aallaqqaammut Danmarkimi najugaqarnermik sungiussisinnaanngilaq ukiullu aappaa affaq ingerlareersorlu Kalaallit Nunaannut uterluni aallarluni.
Lise meeraalu pillugit allaaserisaq tamaat quppersakkami atuaruk.