Kalaallit Nunaannit Danmarkimut

Kristian Geisler

1962-imi Kalaallit Nunaanni inunngorpoq. Qatanngutigiinni qulingiluaasimagaluartuni nukarliup tullia.

Pingasunik ukioqarluni kisimiilluni Danmarkiliartitaavoq poliomut katsorsartikkiartorluni. Siullermik Hornbæk Børnesanatoriumimi najugaqarpoq, taava atuarfinni najugaqarfiutigisuni Nærumgårdimi aamma Geelsgaardimi taavalu ilaqutariinni paaqqinnittartuni.

Kristian taamaallaat ukiumoortumik sapaatip-akunnerini pingasuni aasaanerani feeriarnermini ullunilu 14-ini ukiuunerani feeriarnermini angajoqqaaminiillunilu qatanngutiminiittarpoq.

Kristian 1.g ingerlatereerlugu Kalaallit Nunaannut uterluni nuuppoq, kisiannili angerlarsimasutut misigisimanani. 19-inik ukioqarlunili aalajangersimasumik Danmarkimi najugaqarpoq.

Angerlarsimaffeqanngitsutut angerlarsimaffeqanngitsut nuna tamakkerlugu kattuffiat SAND attaveqarfigilerpaa. Tassani ilaatigut Københavnimi immikkoortortaqarfimmi siulersuisunut ilaasortanngorpoq aqutsisunngorlunilu.

Kristian Geisler

Naleqassutsimik uppernarsaajuarnissaq ilungersunartoq

’Inuunerma annersaani allaanerunera misigisarsimavara - kalaaliugama. Akuerisaanngitsutut misigisimasarsimavunga naleqassutsinnillu uppernarsaaniartuariaqarsimallunga. Ilinniagaqalernissaq aalajangersimasumillu suliffeqalernissaq kissaatigisama annersaraat, tamannali iluatsitsivigivallaarsimanngilara. Ikiorneqarnissamut periarfissaqarpallaarsimanngila, sorlaqanngitsutut misigisimasimavunga sammerusutannillu suliaqarsinnaannginnera pakatsissutigisimallugu.

23-nik ukioqarlunga qallunaamut katippunga. Pernaammik inuttut piginnaasakka tunngavigalugu isigineqartutut akuerineqartutullu misigivunga: Attaveqarnermut pikkorissuuvunga ilorrisimaartutullu misigisimallunga, naak suliffeqarnikkut periarfissat eqqiaasutut, perorsaasutut ikiortitut allatullu nikeraraluartut.

Kristian pillugu oqaluttuaq tamaat quppersakkami atuaruk.

Kristian ima siunnersuutitsialaqarpoq

Kalaallit Illuat qaninnerpaaq orniguk – tassani attaveqaatinik pingaarutilinnik pilersitsisinnaavutit.

Kommunimit najugarisannit iliuusissatut pilersaarusiamik pissarsiniarit – ajornanngippat Kalaallit Illuutaanni sullissisumik tapersersorteqarluti.