Kalaallit Nunaannit Danmarkimut

Lise Andersen

Qaqortumi inunngortoq 44-nik ukioqarpoq.
Fynimi Otterupimi najugaqarpoq.
Meeqqanut pingasunut anaanaavoq kisimiittoq – Martin arfineq-pingasunik, Patricia 15-inik kiisalu Michael 16-inik ukiullit.
Marlunnik angutinik qatannguteqarpoq – ataaseq Danmarkimi, ataaserlu Kalaallit Nunaanni.
Kalaallit Nunaanni 9. klasse tikillugu atuarsimavoq, tamatumalu kingorna sulilerluni (pisiniarfimmi allamiluunniit)

Odensemi Social- og Sundhedsskolenimi atualersimavoq. Otterupimi utoqqaat angerlarsimaffianni, piffissap ilaani aalajangersimasumik taartaaffigisimasami, atorfininnissaminik neriuuteqarpo.

Lise Andersen

Qiasarsimaqaanga...

Angerlarsernerup pianik qiasarsimaqaanga. Meeqqakka qinngasaarneqartarsimapput uangalu nammineq uagut kalaallit ’aalakoortuaannartuunitsinnik’ isiginnittaatsimik naapitaqartarsimavunga.

2003-mi ataataga qallunaajusoq ilisarisimanngisaannarsimasara attaveqarfigaara. Nuannaajallattorujussuuvoq: ’Nunarsuarmi ataatani pilluarnerpaanngortipparma’. Sverigemi nulianilu najugaqarpoq, tamatumalu kinguninnguatigut siunnersuutigalugu meeqqakkalu Sverigemut nuussasugut. Sutigut tamatigut ikiorusuppaatigut.

Ukiorpassuarni meeqqakka kisimeeqatigisimavakka – ataataannit ukiuni marluinnarni aappareereerluta avikkama imertarnera ullullu arlalikkuutaarlugit peqanngittarnera pissutigalugu. Aatakkukka asasakka toqoreersimapput. Anaanaga ataatassaralu Sisimiuni najugaqarput – taakkulu attaveqarfiginngilakka.

Lise meeraalu pillugit allaaserisaq tamaat quppersakkami atuaruk.

Lisep siunnersuutigiumasai

Danmarkimut nuunniarussi tamanna ilaqutariiullusi sukumiisumik oqaloqatigiissutigisiuk.

Kommuneriligassannut saaffiginnigit tassanilu ineqarnikkut, aningaasanngorlugit ikiorserneqarnikkut, meeqqannut paaqqinnittarfeqarnikkut il.il. periarfissavit paasiniarnerannut ikiorneqarlutit.