Atornerluinermik katsorsartinneq

Kalaaliuit atornerluinermik ajornartorsiuteqartuusoq? Taava periarfissaqarputit katsorsartinnissamut neqeroorfigineqarnissamut. Ataani takusinnaavatit katsorsartinnissamut periarfissat assigiinngitsut ilaat.


Imigassamik ajornartorsiutillit katsorsartinnissaat siunnersorneqarnissaallu kommunip akisussaaffigaa. Kommunit arlaqartut suliniaqatigiiffinnik namminersortunik katsorsaanermik ingerlataqartunik suleqateqarput.

Imerajuttut imigassartorunnaarsimasut (AA)

Anonyme Alkoholikere katsorsartinnissamut neqeroorutaapput. Ilaasortat tamarmik AA-t ataatsimiinneranni naapittarput, tassani imminnut imigassamik aalakoornartumik atornerluiunnaarluni inuuneqalernermi tapersersoqatigiittarput oqaloqatigiittarlutillu. Arlaannaataluunniit kinaanerminik saqqummiussisariaqanngilaq, taamaammat aqqa tassaavoq Anonyme Alkoholikere (imigassamik ajornartorsiuteqarsimagaluarlutik katsorsartissimasut imminnut ilisaritinnatik naapeqatigiittartut). Nalinginnaasumik AA-t ataatsimiinnerini taamaallaat aalakoornartumik imigassartorunnaarsimasut peqataasinnaapput. Kikkut tamarmik qanorluunniit sivisutigisumik oqalussinnaapput. Oqalunninni arlaataluunniit nipangersissanngilaatit imaluunniit apeqquteqarfigalutit. Ataatsimiinnermik aqutsisup tamarmik tusarneqarnissaat isumagissavaa. Ilaasortaanermut akiliuteqartoqartanngilaq.

Tamanna paasisaqarfiginerusinnaavat uani www.dkaa.dk

Hope – imigassamik aalakoornartortalimmik atornerluisunut

Hope suliniaqatigiiffiuvoq illit imigassamik aalakoornartortalimmik atornerluisuusutut imaluunniit ilaqutaasutut allanik ilittulli taamatut atugaqartunik naapitsiffigisinnaasat. Suut tamarmik avammut saqqummiunneqanngilluinnartarput. Uani www.hope.dk/alkohol/soeghjaelp/ illoqarfigisanni katsorsartinnissamut imaluunniit illit imigassamik ajornartorsiuteqartumut qanigisaasutut ilaqutaasutut ikiorneqarnissannut periarfissat takusinnaavatit.

Paasisaqarfiginerusinnaavat tamanna uani www.hope.dk

Frederiksberg Centerimi katsorsartinneq

Frederiksberg Centerip ilinnut kalaaliusumut imigassamik atornerluisuusutut aamma allanik aanngajaarniutinik atornerluisuusutut katsorsartinnissat neqeroorutigaa. Katsorsartinneq ingerlanneqarnerusarpoq ataatsimut gruppitut peqqissartinnertut. Katsorsaaneq kalaallinut naatsorsuussaavoq danskisut aamma kalaallisut ingerlanneqarsinnaasoq.

Paasisaqarfiginerusinnaavat tamanna uani Frederiksberg Centeret

Ajornartorsiuteqartunut Teamet Aalborgimi

Udsatte Teamet (ajornartorsiuteqartunut suleqatigiit) tassaavoq katsorsartinnissamik pisariaqartitsisunut orniguttartuullutik suleqatigiit. Tassa Teamet (suleqatigiit) illit sumiiffinnut ilinnut ornigutissapput. Imaassinnaavoq varmestuenut, isumaginninnikkut caféni, Kofoeds Skolemut il.il. Suleqatigiit ikiorusuppaatsit, Aalborg Kommunemi illit atornerluisuullutit kalaaliusutit 18-it sinnerlugit ukioqartuusutit. Illit atornerluisutut ajornartorsiutinnik sukumiisumik anguniagaqarfiulluartumillu katsorsartinnissannut perusukkuit piumassuseqarluaruillu, taava Teamet ataatsimoortumik siunertalimmik katsorsartinnissannut neqeroorfigaatit. Ataatsimoortumik siunertalimmik katsorsartinneq tassaavoq atornerluinerup saniatigut allat unamminartut illit aqqusaagarisinnaasatit, soorlu attaveqaqatissarsiornissap imaluunniit ilinniagaqarnissamut piareersarnerup isumagineqarnissaat.

Paasisaqarfiginerusinnaavatit Aalborgimi Udsatte Teamet uani.

Esbjergimi ingerlaannartumik Minnesotamik katsorsartinneq

Katsorsartittarfik ilinnut kalaaliusumut imigassamik atornerluisuusutut aamma allanik aanngajaarniutinik atornerluisuusutut naatsorsuussaq. Kalaallisut aamma danskisut katsorsartittarfimmi oqaaseqartoqarpoq. Katsorsartinneq ingerlanneqartarpoq Esbjergimi Minnesota Consultimit. Katsorsartinnissamut innersuussineq pisarpoq Værestedet Oqqumut aqqutigalugu.

Paasisaqarnerorusukkuit Værestedet Oqqumut saaffigiuk.