Oqaatsit aamma oqalutseqarnissamik ikiorneqarneq

Soorlu assersuutigalugu eqqartuussivinni ataatsimiinnissamut, napparsimavissuarnut uninnissamut, kommunimi sullissisumik imaluunniit allani pisortat suliffeqarfiini ataatsimiinnissanut oqalutseqarnissamik pisariaqartitsivit? Taava oqalutsimut attaveqarnissamut arlalinnik periarfissaqarpoq, uani qanoq iliornissamut siunnersuutit assigiinngitsut atuarsinnaavatit. Aammattaaq danskit oqaasiinik ilinniartinneqarnissannut periarfissatit pillugit atuarsinnaavutit.


Oqalutseqarnissamut neqeroorut

Danmarkimi Kalaallit Illuutaat oqalutseqartitsinissamut neqerooruteqarput. Illumi namminermi oqalutsiusinnaavoq imaluunniit namminersortumik oqalutsimik illumit innersuunneqartumik. Kalaallit Illuutaat telefonikkut illup ammasarfiata nalaani attaveqarfigineqarsinnaapput. Amerlanertigut pisortat oqalutseqartitsineq akilertarpaat, taamaammat soorlu assersuutigalugu illit sullissisunnut nakorsannulluunniit isumaqatigiissutigissavat oqalutseqarnissaq kissaatiginerit – taava marluullusi ataatsimut isumaqatigiissutigissavarsi qanoq tamanna ingerlanneqassanersoq. Oqalutseqarnissamik inniminniineq piffissaq sioqqullugu pisinnaasarpoq, soorlu pilersaarutaasumik ataatsimiinnissamut ikinnerpaamik ullut marluk sioqqullugit.

Kalaallit Illuutaasa ataasiakkaat oqalutsimik innersuussisarneq assigiinngitsumik ingerlattarpaat. Ataani atuarsinnaavat qanoq:

Det Grønlandske Hus i Aalborg (Aalborgimi Kalaallit Illuat)

  • Illu nammineq oqalutseqarpoq, ajunngitsorsiassai piumasarineqartarput – illumi aperigit tamanna qanoq ingerlanneqartarnersoq.
  • Pisariaqartitsineq takkukkaangat illup avataaneersumik oqalutsimik innersuussisoqarsinnaavortaaq.

Det Grønlandske Hus i København (Københavnimi Kalaallit Illuutaat)

  • Aamma tassani oqalutseqarsinnaavutit, ajunngitsorsiassai piumasarineqartarput – illumi aperigit tamanna qanoq ingerlanneqartarnersoq.

Det Grønlandske Hus i Odense (Odensemi Kalaallit Illuat)

  • Illu oqalutsinut tamatuma eqqaani najugaqartunut innersuussisarpoq, illumi namminermi oqalutseqanngimmat. Ajunngitsorsiassai akilerneqassapput malittarisassat atuuttut malillugit naatsorsorneqartartut – illumi aperigit tamanna qanoq ingerlanneqartarnersoq.

Det Grønlandske Hus i Aarhus Aarhusimi Kalaallit Illuat

  • Illumi sulisut oqaluttaasinnaapput, ajunngitsorsiassaat piumasarineqartarput – illumi aperigit tamanna qanoq ingerlanneqartarnersoq.
  • Illumi atorfeqanngitsumik oqalutseqarnissaq pisariaqartinneqarpat taakkununnga innersuussisoqarsinnaavoq.
  • Oqalutseqarnissaq piffissaq sioqqullugu inniminnerneqassaaq. Tassanngaannartumik pisoqarpat piffissaq sivikitsoq atorlugu oqalutseqarnissaq pisinnaasarpoq, illumi sulisut suliassamik isumaginnissinnaassappata.

Danskit oqaasiinik ilinniartitsineq

Ilinnut kalaaliusumut periarfissaqarpoq danskit oqaasiinik ilinniartinneqarnissaq, illit jobcenterimit (suliffissarsiuussisarfimmit) imaluunniit pisortanit taamatut innersuunneqaruit. Illit nammineq danskit oqaasiinik ilinniartinneqarnissamut periarfissamik paasiniaasinnaavutit. Kommunemit innersuunneqaruit ilinniartinneqarnerit illit nammineq akilissanngilat.

(Tamanna nunani allamiut il.il. inersimasut ilinniartinneqartarnerat pillugu inatsimmut nalunaarut nr. 1010, 16. august 2010-meersoq naapertorlugu).